BUTUAN CITY – Nanguna ang pelikulang “Sinners” nga pinakadaghan og nominasyon alang sa Academy Awards o Oscars.
Base sa listahan nga gipagawas sa mga organizer sa Oscars Awards, adunay kinatibuk-ang 16 ka nominasyon ang maong pelikula rason nga kini ang unang pelikula sa kasaysayan sa Oscars nga nakakuha og pinakadaghan nga nominasyon.
Sa kinatibuk-ang 24 ka nominasyon, 16 niini ang nakuha sa maong pelikula lakip ang best actor, best picture, best supporting actress, ug uban pa.
Misunod ang pelikulang “One Battle After Another” nga adunay 13 ka nominasyon, dayon ang mga pelikulang “Marty Supreme,” “Frankenstein,” “Sentimental Value,” ug “Hamnet.”
Ang mga nominado sa best actress mao sila Jessie Buckley sa pelikulang “Hamnet”; Rose Byrne – “If I Had Legs I’d Kick You”; Kate Hudson sa pelikulang “Song Sung Blue”; Renate Reinsve sa pelikulang “Sentimental Value”; ug Emma Stone sa pelikulang “Bugonia.”
Samtang sa best actor, ang mga nominado mao sila: Timothée Chalamet (Marty Supreme), Leonardo DiCaprio (One Battle After Another), Ethan Hawke (Blue Moon), Michael B. Jordan (Sinners), ug Wagner Moura (The Secret Agent).
