BUTUAN CITY – Sunod-sunod nga mga lihok-protesta pa ang ilusad sa nagkada-iyang grupo kansa gisugdan na ning mi-agi pang semana tungod sa nagka-init nga kasuko sa publiko mugna sa lapad kaayong kurapsyon sa mga flood control projects.
Ugmang adlawa gikan sa alas-onse sa buntag ngadto na sa alas-sais sa gabii, himuon sa may EDSA Shrine ang Black Friday People’s protest nga nagtingunang ibalik ang dungog sa Pilipinas nga naguba tungod sa maka-uulaw na kaayong kinawatay sulod sa gobyerno.
Madumdumang niadtong Septembre 13, gilusad ang ‘Takbo Laban sa Kurapsyon’ sa University of the Philippines kon UP Diliman human ang protesta sa progresibong grupong Makabayan sa may Batasan Complex ugmilahos na ngadto sa compound sa pamilya Discaya.
Anaa pa ang pagpangandam sa mga residente sa Baguio City alang sa paglusad nila og malahutayong protesta batuk sa kahiwian bitbit ang panawagang ‘Serbisyo sa mga tawo, dili himuong negosyo.’
Una nang gibutyag sa Department of Finance nga ang maong kurapsyon, miresulta sa pagka-alkansi sa ekonomiya nga mi-abot sa 42.3 hangtud sa 118.5-bilyunes pisos.
