BUTUAN CITY – Na-forward na sa Department of Interior and Local Government kon DILG-Butuan City sa lokal nga kagamhanan ang kamanduang gikan sa ilang central office alang sa pagpatuman na sa advisory sa Securities and Exchange Commission kon SEC.
Kinimay kalambigitan na sa hingpit nang pagpasira sa mga opisina sa Kabus Padatoon kon KAPA Community Ministry International Inc. nga nag-operate ning siyudad sa Butuan.
Sigon ni DILG-Butuan City Director Teresita Guerta, ila gilayong gipadala sa buhatan ni Mayor Ronnie Vicente Lagnada ang SEC advisory subay sa cease and desist order batuk sa operasyon sa KAPA.
Gitin-aw usab sa opisyal nga ang LGU na og uban pang concerned government agencies sama sa kapulisan og National Bureau of Investigation ang manubag kang DILG Sec. Eduardo Año kalabot sa aksyong ilang gihimo batuk sa mga modus sa KAPA.
