BUTUAN CITY – Big winner ang pelikulang Oppenheimer sa 96th Oscars human niini gihakot ang pito ka mga awards apil na ang best picture ug best actor alang kang Cillian Murphy.
Ang maog pelikula nga duna’y 13 ka mga nominasyon, midaog usab og best supporting actor alang kang Robert Downey Jr, ingon man best director alang kang Christopher Nolan, plus film editing, cinematography ug original score.
Si Emma Stone maoy napiling best actress sa iyang papel sa pelikulang Poor things, nga midaog usab og best production design, make-up ug costume design.
Samtang ang best supporting actress award napadulong ngadto sa nagdala sa pelikulang ‘The Holdovers’ nga si Da’Vine Joy Randolph.
Ang Barbie – nga mao ang highest grossing film ning mi-aging tuig, nakadawat og usa lang ka award alang sa best original song nga gisulat ni Billie Eilish ug sa iyang igsoong lalaki gna si Finneas kinsa live nga nag-performe apil si Ryan Gosling.
Makasaysayanong gabii kini alang sa uban, tugod kay ang Ukraine nakasakmit sa ilang unang kada-ugan sa Oscar alang sa best documentary nga 20 Days in Mariupol, samtang ang United Kingdom usab midaog isip best international film tungod sa pelikulang The Zone of Interest.
