BUTUAN CITY – Nagtapok sa nagkada-iyang lugar sa Venezuela ang mga opposition supporters aron protestahan ang kada-ugan ni Nicolas Maduro sa presidential election ning mi-aging buwan.
Mi-uban si opposition leader María Corina Machado sa mga protesters sa capital, Caracas, dayong awhag sa mga demonstrador nga dili mahadlok. Ang nagtago-tago nga si Machado, human gi-akusahan og rebelyon, nagbutyag nga wala’y makalabaw sa tingog sa katawhan kansa karon klaro nang nagpadayag sa ilang kagustuhan.
Gipangkatag na ang mga pulis ug mga sundalo samtang ang mga supporters usab ni Maduro mihimo usab og demonstrasyon. Gipadayag pa ni Machado nga dili nila biyaan ang kadalanan kondiin bitbit sa mga demonstrador ang mga kopya sa election records gikan sa ilang mga voting stations isip pruweba sa kada-ugan.
Nanawagan kini og nationwide protests aron mas ma-pressure si Maduro pag-concede inaynga ipamugos nga siya ang midaug alang sa ikatulong termino taliwa nga ang gipagawas nga tally sa oposisyon, si Edmundo Gonzalez, ang midaog og dako nga margin.
