BUTUAN CITY – Migamit pa ug acetylene ang otoridad sa pagronda sa opisina sa Organico agri business ventures corporation nga nahimutang sa T. Calo, Barangay Limaha ning siyudad sa Butuan kaganinang alas 1:00 sa hapon.
Gikumpirma ni Police Col. Eugene Balogo, Chief sa Criminal Investigation and Detection Group kon CIDG-Caraga nga gikan sa special court sa Securities and Exchange Commission kon SEC sa regional trial court branch 20 sa Manila ang search warrant nga ilang gipatuman batuk sa gika-ingong nag-operate nga nakitaang walay secondary permit gikan sa SEC.
Pasabot pa ni Chief Balogo, ang modus sa Organico agri business ventures corporation mao ang pag-invest og livestock diin 10 ka baboy ang minimum nga muabot sa 36-mil pesos unya dunay gisaad nga return of investment nga 22 porsiento matag bulan apan makuha pag-abot na sa 3 ka bulan.
Nagsugo matud pakini niadtong Marso 2019 diin gibana-banang muanot sa 100 na ka members. Naila usab ang usa sa mga proprietor nga si Cerrone Roial Posas nga gitoohang taga Cebu.
Nasayrang sirado na ang maong opisina diin dunay nakapaskil nga under renovation apan gisulod gihapon kini sa ginsakpan sa CIDG kauban ang taga Butuan City Police Station-2.
Nakumpiska niini ang nagkadaiyang gamit sa maonbg opisina samtang gigamitan pa ug acetylene aron ma-abli ang bolt niini nga wala nay sulod
Samtang sa pakighinabi usab ning sibyahan kang Barangay Limaha Kapitan John Rosales, giklaro niining gihatagan nila ug barangay clearance ang nasagpit nga negosyo tungod kay kini man ang rikisitos sa pag-adtu unya sa Butuan city hall.
Apan wala sila nagtoo nga business scam ang maong negosyo .
Mihangyu nalang kini sa iyang mga konstituwente nga dili magpailad sa mga investmen scam nga nangsulpot karung panahona.
Hinoon walay nasayran niining iyang mga residente nga nahimong miyembro sa maong negosyo.
