BUTUAN CITY – Gikakurat sa daghang mga Amerikano ang pagbutho ni Queen of All Media Oprah Winfrey sa Democratic National Convention kon DNC sa ikatulong adlaw nga ilang rally aron ikampanya ang tandem nila US Vice President Kamala Harris ingon man Gov. Tim Walz.
Si Winfrey maoy surprise guest sa ikatulong adlaw sa convention ug nakasentro ang pagpamulong niini sa kalahian nila ni Donald Trump ug Harris sa personal ug propesyunal nga kinabuhi.
Sumala ni Winfrey, ang respeto, pagkadesente, ug pagbaton og common sense, maoy nakataya sa balota sa 2024 presidential election sa America.
Sumala pa sa America’s most influential woman, ang igong common sense, maoy mudikta nila Harris ug Walz alang sa pagkadesente ug pagbatn og respeto sa Amerika kung suportahan sila sa presidential elections.
