BUTUAN CITY – Temporaryong gipahunong sa Butuan City Permits and Licensing Division sa lokal nga kagamh anan ning siyudad ang operasyon sa DXAM 103.1 Sunny FM nga nahimutang sa Purok 5, Block 14, Lot 3. Monti Vista Villas sakop sa Brgy. Villa Kananga ning siyudad sa Butuan.
Sa eksklusibong pakighinabi sa Bombo Radyo Butuan, gipasabot ni May Diez – tigpamaba sa LGU Butuan, gisira kini kaganinang buntag base na sa gipagawas nga cease and desist order ni Atty. Moshie Ariel Cahoy – legal officer sa City Permits and Licensing Division.
Giklaro ni Diez nga nag-operate ang Sunny FM isip radio station taliwa nga wala’y gihuptang required mayor’s kon business permit.
Makonsidera matud pa kining kalapasan sa Sangguniang Panlungsod kon SP Ordinance 594-92 kansa gi-amenda pinaagi sa SP Ordinance 2269-2000.
Kini ilabina nga ang ila lang gikuptang business permit sa ilang operasyon nagrespresenta man isip advertisement ug telecommunications equipment and accessories provider.
Alayon niini, gimanduan ang maong radio station nga ibalik lang ang ilang operasyon higayong makakuha na sila og saktong business permit ug ubang mga rekisitos nga kinahanglan nilang ma-comply.
Giklaro ni Diez nga wala’y problema alang sa panig sa lokal nga kagamhanan tungod kay tugutan gilayon nilang maka-operate og balik ang maong sibyahan higayong makompleto na ang ilang kinahanglang requirements.
