BUTUAN CITY – Magpagawas na og official communication sunod semana ang Securities and Exchange Commission kon SEC Central Office alang sa tanang ahensiyang miyembro sa consumer net aron hingpit nang ipahunong ang operasyon sa Kabus Padatoon kon KAPA Ministry International Inc.
Kini ang gipadayag ni Butuan City Councilor Omar Andaya human ang ilang committee hearing kagahapon ka-uban ang representante gikan sa SEC-Region 10 nga si supervising specialist Jesher Radaza.
Sigon ni Konsehal Andaya, gitahasan na sa SEC ang Department of Interior and Local Government kon DILG – Caraga nga magpahigayon og hearing dinhi sa Butuan aron mapasabot ang kamatu-uran kalabot sa operasyon ng KAPA partikular na ang ilang gipagawas nga cease and desist order aron mapatuman na kini sa labing daling panahon.
Dugang pa ni Andaya, sa pgkakaron wala nay lisensiya ang KAPA human kini gi-revoke sa SEC rason nga ilegal ang tanang transaksiyun niini apan gitin-aw sa konsehal nga hulaton lang nila hangtud sunod semana ang opisyal nga kumunikasyon sa SEC-Central Office ngadto sa DILG aron makahimo na sila og tukmang lakang alang sa hingpit nga pagpahunong na sa operasyon nito sa rehiyon. (Rolan Janea)
