BUTUAN CITY – Imbestigahan sa Office of the Ombudsman ang affidavit sa self-confessed bagman matud pa ni Vice President Sara Duterte nga si Ramil Madriaga, kalabot iyang pagbulgar nga gikan matud pa sa mga drug syndicates ug Philippine Offshore Gaming Operators kon POGOs ang campaign fund niini niadtong 2022 national elections.
Kini aron masuta ang kamatu-uran sa maong alegasyon human gipanghimakak ni Madriaga ang alegasyon sa kampo sa besi presidente nga duna’y bahid sa pulitika ang ang iyang gihimo.
Sigon sa abogado niining si Atty Raymond Palad, dugay nang nag-istorya si Madriaga kalabot sa pipila ka mga isyung gikutay ngadto sa besi presidente.
Gani ning mi-aging tuig pa kini miduol kang Senadora Risa Hontiveros aron magpatabang alang sa usa ka patas nga imbestigasyon.
