BUTUAN CITY – Gihingusgan karon sa Philippine Sports Commission (PSC) ang mas lawom nga pag-apil sa mga Olympic sports diha sa mga lokal nga athletic meet sa nasud.
Sa pagbukas sa ika-32 National Capital Region Athletic Association (NCRAA), gi-awhag ni PSC Chairman Patrick Gregorio ang mga organizers ug mga atleta nga isulod ug hatagan og importansya ang mga Olympic sports aron mas daghang kabatan-onan ang ma-engganyo nga mosulay niini.
Sumala ni Gregorio, sa lokal nga mga lumba magsugod ang pagkadiskubre sa talento sa mga atleta, ug mas mudako ang interes sa publiko kon makita nila nga apil ang mga Olympic sports sa mga torneo.
Dugang pa niya, andam ang PSC nga motabang sa pagpangita ug pag-train sa mga Pinoy nga atleta nga adunay potensyal nga makadala og gintong medalya sa Olympics, ilabi na sa Los Angeles 2028 ug Brisbane 2032 Games.
