-- ADVERTISEMENT --
BUTUAN CITY – Gila-uman sa Department of Energy (DOE) nga musaka na usab ang presyo sa diesel ug kerosene sunod nga semana, base sa datos sa unang upat ka adlaw sa trading.
Gibana-banang mosaka ang presyo sa diesel og ₱0.80 kada litro ug ang kerosene musaka og ₱0.45 kada litro, samtang ang gasolina mahimong mu-ubos og gamay kon ngadto sa ₱0.05 kada litro.
Gipasabot sa DOE, pasi-unang pagbana-bana pa lamang kini ug wala pa gilakip ang ubang gasto ug premiums sa mga oil company.
Dugang pa sa ahensya, ang kalibutang tensyon ug ang pag-usab sa demand, ilabina gikan sa Estados Unidos, European Union, ug China, padayon nga naka-apekto sa presyo sa krudo ug posibleng maka-apekto usab sa presyo nga gibayran sa mga konsumer.
