BUTUAN CITY – Nagtingkagol na karun sa karsel ang usa ka olitawo human kini nadakpan sa kapulisan samtang namaligya og ginadiling drogas alas 10:00 sa kagabii sa may Barangay Ong Yu ning siyudad sa Butuan.
Naila ang suspetsado nga si Jack Michael Forsuelo Abadan, 32-anyos, olitawo nga taga Purok-7, Barangay Doongan, Butuan City.
Gihimo ang buy-bust operation sa mga ginsakupan sa Butuan City Police Station-2 sa pagpanguna sa hepe nga si Police Capt. Jun Orillan.
Atol sa maong operasyon, malampusong napalitan ang suspek sa ginadiling drogas o mas nailang shabu diin narekober ang usa ka buybust item nga balos 500 pesos.
Nakuha usab ang maong buybust money, lakip na ang laing 3 ka sachet nga dunay sulod sa gidudahang shabu kauban ang usa ka shoulder bag.
Ang nakuhang mga butang lakip na ang nadakap, gikustudiya kini karun sa Butuan City Police Station -2 alang sa tukmang disposasyon samtang gihikay ang kasong atubangon sa suspetsado.
