BUTUAN CITY – Tingkagol sa karsel ang usa ka olitawo human kini nasikop sa buy-bust operation pasado alas 9:00 kagabii sa may Purok 5, Brgy. Tandang Sora, Butuan City.
Naila ang suspek nga si Birch Moras, 39-anyos, usa ka mechanic nga residente sa maong dapit. Gihimo ang operasyon sa mga ginsakpan sa Philippine Drug Enforcement Agency kon PDEA og Butuan City Police Station-1.
Nakumpiska gikan sa posisyon sa suspetsado ang usa ka transparent plastic sachet nga dunay sulod sa gitoohang shabu nga mitimbang og 60 gramos nga dunay market value nga 408-mil pesos.
Lakip sa nakuha ang usa ka tinood nga One Thousand Peso Bill og 191 ka book nga tag-usa ka libo nga boodle money.
Gi-andam na ang kasong may kalapasan sa Sec. 5 sa RA 9165 batuk sa dinakpan nga gikustudiya sa PDEA-regional Office 13 alang sa tukmang disposasyon.
