BUTUAN CITY – Tingkagol sa prisuhan ang usa ka olitawo human kini nasikop ssa gihiong Buy bust operation alas 8:30 kagabii sa may Purok 8 Brgy. Limaha, Butuan City.
Naila ang suspek nga si Fritz Sator Beluan, 24-anyos, olitawo, walay trabaho nga residente sa maong dapit. Gihimo ang operasyon sa mga ginsakpan sa Butuan City Police Station-2 sa pagpanguna ni PLT MOISES G MACALOLOT JR., Team Leader, sa koordinasyon ngadto sa Philippine Drug Enforcement Agency kon PDEA-Caraga.
Nakuha gikan sa posisyon sa suspek ang usa k sachet nga dunay sulod sa gitoohang shabu og mitimbang og usa ka gramo nga mibalor sa 6-mil 800 pesos. Lakip sa nakuha ang mga drug paraphernalia sama sa lighter og empty cellophane.
Ang nadakpang suspetsado lakip na ang nakuhang mga ebidensiya gi-kustudiya na sa Butuan City Police Station-2 alang sa tukmang disposasyon.
