BUTUAN CITY –Wala na gikakurat sa pipila ka mga Pilipino nga atua sa Australia ang wala pagdawat sa maong nasod kansa apil matud pa sa listahan sa mga nasud nga gitan-aw sa iyang amahan isip posibleng host country alang sa iya unyang temporaryong kagawasan ugaling tugutan sa International Criminal Court kon ICC.
Sumala ni Denmark Suede, Bombo International Correspondent sa Australia, sensitibo ang maong nasod sa human rights violation. Gani, gihimo pa niining ehemplo ang baruganan sa maong nasod nga outright rejection gilayon nga madawat ugaling masayran nga human rights violator ang mu-apply kanila og visa.
Subay pa ni Suede, wala siya’y laing nakita arun mahimong prospect sa kampo ni Duterte ang Australia, kundli mao lamang and duol nga distansya niini sa Pilipinas.
Dugang niini, kinahanglang mangita og pamaagi ang abogado sa mga Duterte arun dili mabasura ang maong hangyo. Nagtuo usab si Suede nga dili lapad ang makuhang suporta sa pamilyang Duterte sa Australia, sanglit lakip man kini sa mga nasod diin wala nag number one si Senador Bong Go nga kaalyado sa pamilyang Duterte – niadtung midterm elections.
Nagtoo usab kini nga mas maayo kung dili sa Pilipinas dunggon ang kaso ni Duterte tungod kay dili matud pa patas ang hustisya sa nasod pag-abot sa mga adunahan.
Gitu-uhan niining ang migawas nga impormasyon, taktika lamang sa abogado ni Duterte tungod kay ang prison system sa Australia, susama man sa European Union rason nga wala’y rason aron ibalhin matud pa ang kanhi pangulo.
Kini ilabina nga dako matud pa ang bayran sa pamilya Duterte kada-buwan ngadto sa ilang abogado rason nga natural lang nga muhimo kini og mga paagi aron dili ma-dismiss sa iyang serbisyo.
Ang pamahayag ni Denmark Suede, Bombo International Correspondent sa Australia.
Nagdumili ang gobyerno sa Australia nga mahimong host country alang kang kanhi Pangulo Rodrigo Duterte alang sa iyang temporaryong paggawas.
Kini human unang gibutyag ni Vice President Sara Duterte sa iyang pag-atubang sa mga tigbalita sa Melbourne, nga apil sa listahan sa mga nasud nga gitan-aw sa iyang amahan ang Australia isip posibleng host country alang sa iyang temporaryong kagawasan.
