BUTUAN CITY – Misaad ang International Energy Agency nga ipagawas gilayon nila ang mga strategic oil reserves sa Asia Oceania aron magaan-gaanan ang kakulangon sa oil supply mugna sa padayong gubat sa Middle East.
Ang maong mga reserbang lana, ihanyag gilayon ngadto sa mga nasud sa Asya aron hulipan ang mga nawalang bariles sa lana tungod sa tensyon sa rehiyon.
Kini na ang pinakadakong pagpagawas sa emergency energy reserve sa kasaysayan nga gi-uyunan usab sa mga membro sa International Energy Agency niadtong Marso 11.
Ang Japan magpagawas usab og 80 million barrel sa lana nga anaa sa ilang emergency reserves samtang ang supply alang sa Americas ug Urupa, sugdan pa lang pagpagawas sa hinapos ning bulana.
Tumong niini nga makahatag og buffer o proteksyon sa pangkalibutanong supply aron malikayan ang sobrang pagsaka sa presyo sa mga produktong petrolyo.
Mugna kini sa pagbabag sa Strait of Hormuz diin mu-agi ang one-fifth sa ipagawas nga lana sa tibuok kalibutan nga naghatagog dakong purhisyo sa tibuok kalibutan.
