BUTUAN CITY – Magpahigayon pa ug board meeting og inspection ang kadumalahan sa oil depot sa Agumil Philippines Incorporated sa barangay Talisay, Nasipit, Agusan del Norte aron masuta ang kinatibuk-ang damyos human gisunog sa rebelding New People’s Army kon NPA sa alas 9:00 kagabii.
Sigon ni Police Chief Insp. Calvin Placer, Hepe sa Nasipit Municipal Police Station, gibutyag sa security guard sa maong kompanya nga kalit lang misulod ang gibana-banang 60 ka mga lalaking armado sa tag-as nga kalibre sa armas.
Gipadapa sila adiser giduslitan ang mga 3 ka mga ekwepo nga gilangkuban sa usa ka unit electronic control panel, usa ka unit electric burner og usa ka unit portable pump- og bunkhouse.
Wala matud pa silay nabuhat tungod kay gibaharan silang pusilon ugaling musulay sa pagpalong sa kalayu.
Dugang pa sa hepe nga wala makakontak gelayon sa ilaha ang nasangpit nga mga guardiya tungod kay nahutdan sila og load.
Ang unang nahibal-an nila nga gi-harass ang outpost sa Provincial Public Safety Company kon PPSC nga nahimutang sa maong Barangay Camagong.
Ulahi na nilang nasuta nga adiser pa gi-atake ang outpost sa kapulisan, gisunog na diay ang nasangpit nga kompanya.
Sa laing bahin, daling gi-angkon usab sa rebelding NPA ang maong pagpangsunog.
Sumala sa nagpailang si Ka Omar Ibarra, tigpamaba sa maong grupo, miabot sa 6 ka ekwepo og bunk house ang ilang nasunog samtang duha ka mga pulis gikan sa PPSC ang samaron human usab nila kini gi-harass aron dili makabalda sa gihimu nilang pagpangsunog.
Pasabot pa ni Ka Ibarra, ang pag silot sa kompanyang Palm oil depot sa Agumil Philippines Incorporated usa ka pagpahinumdum sa ilang pagsupak sa pagpalapad sa palm oil plantation.
Lakip sa planong himoon og plantasyon ang Lawan-lawan sa Las Nieves, Sitio Salaysayon og Tagbabacon sakop sa lungsod sa Nasipit, Agusan Del Norte.
