BUTUAN CITY – Mibati og dakong kakurat ingon man kabalaka ang transport sector ning siyudad sa Butuan tungod sa duha ka hugna nga pagsaka sa presyo sa mga produktong petrolyo karong semanaha human ang bigtime oil price hike kaganinang alas sais sa buntag.
Madumdumang misaka og sa ₱1.75 kada litro ang presyo sa gasolina samtang ₱2.60 sa diesel, ug ₱2.40 usab ang gi-usbaw sa kada-litro sa kerosene.
Sigon ni Anthony Antigulas, presidente sa Transport Federation Butuan, karong semanaha lang, kapin sa 7-pisos ang isaka sa presyo sa kada-litro sa gasolina samtang otso-pisos usab sa kada-litro sa diesel nga gikakurat og maayo sa mga transport drivers ug operators ilabina sa mga pampublikong sakyanan.
Tungod niini, sakit kaayo kini alang kanila ilabina nga ang gisugyot nga piso nga usbaw sa plitehan, subject for approval pa didto sa kauluhang Manila ug posibleng sa July pa ipatuman.
Dugang pa ni Antigulas, dili malikayan nga mubati og kahi-ubos sa gobyerno ang ilang sektor tungod sa wala pagprotekta sa prenisyuhay sa mga produktong petrolyo.
Tungod matud pa kini sa nagtunhay nga value added tax kon VAT nga dakong tabang na matud pa kung tangtangon na sa gobyerno.
Sa hisgutanang fuel subsidy, gibutyag niining bisan unsa pa kadako ang itaganang fuel subsidy sa gobyerno, wala gihapon kini bili tungod kay pila ka adlaw lang kining gamiton gawas nga dili usab tanan ang mahatagan niini.
