BUTUAN CITY – Kahinam ug kalipay ang gibati sa mga Overseas Filipino Worker sa Jordan tungod sa pinaka-unang pagbisita ni Pangulong Rodrigo Duterte sa nasangpit nga nasud.
Sa eksklusibong pakighinabi sa Bombo Radyo Butuan kang Bombo international correspondent Janice Ramirez, taga-San Miguel, Surigao del Norte direkta gikan sa Aman, Jordan giabutyag niining excited silang mga OFWs og kini matud pa ang nag-unang hisgutanan sa ilang group cha t.
Lauman matod pang daghan ang makigkita sa Pangulo ilabina nga unang higayon nga bisitahon sa presidente sa Pilipinas ang maong nasud.
Una ng gi-anunsyo sa Department of foreign affairs ang gikatakdang pakigkita ni Pangulong Rodrigo Duterte kang King Abdullah II karong Setyembre 5 hangtod 8 atol sa iyang state visit.
Atangan usab siya sa uban pang mga OFWs sa Dead Sea nga maoy border sa Israel og sidlakang bahin sa Jordan hangtud sa West.
Nasayrang ilade ang Dead Sea tungod sa hyper-salty waters niini og lapok nga abunda sa mineral kansa nailan g duna’y daghang mga health benefits hinungdan nga dugukon kini sa mga turista og mga locals aron mupa-ilalom sa mud treatments og salt baths. (Melody Valledor)
