BUTUAN CITY – Gi-nerbiyos pa sa dihang nahinabi ning sibyahan ang usa Overseas Filipino Workers sa Dubai tungod sa mga pag-atake sa Iran ngadto sa ilang nasud.
Sumala pa ni Bombo International New correspondent Neneath Rosal Juab, taga-Tubay, Agusan Del Norte og 7 ka tuig nang domestic Helper sa maong nasud, nga kini ang unang higayon niyang nakasinati nga dunay mga dagkong pagbusikad nga iyang madungog nga mugna sa missiles og drone attacks gikan sa Iran.
Pagbutyag pa niini nga dili gayud niya mapug-ngan ang iyang nerbiyos kay dungog man kaayu ang paglupad sa mga drones og missiles ilabina kay ang airport nila ang gibombahan na usab.
Apan bisan paman niini, kinahanglan matud pa siyang maglig-on tungod kay duna siyay bata nga giatiman diin wala ginikanan niini rasong sa iya lan gisalig.
Hinoon gitawagan na matud pa siya sa iyang amo nga dili lang mabalaka tungod kay molungtad lang og pipila ka adlaw matud pa ang maong pag-atake.
Gitarget usab matud pa sa mga drones ang mga tourist infrastracture sama sa hotel.
Tungod niini, ampo lang matud pa ang iyang taming ilabina kay nag-inusara ra siya sa balay kauban ang bata.
