BUTUAN CITY – Emosyonal nga midangop sa Bombo Radyo Butuan ang usa ka inahan aron makapangayo gilayon og hinanaling tabang ilabina kang Pangulong Rodrigo Duterte aron mahatagan gilayon og hustisya ang brutal nga pagkulata sa mga among Arabo ngadto sa iyang anak nga atua sa Riyadh, Saudi Arabia.
Sigon ni Gemma Casquejo, taga-Brgy. Alubihid, lungsod sa Buenavista, Agusan del Norte, gipadali na siya sa iyang anak nga si Jane Rose Dotollo, minyo, aron matambalan gilayon gikan sa iyang gibati karong sobrang pagpanakit sa iyang lawas og ulo kondiin bugtong paglingkod lang ang kaya niyang himuon.
Sobrang kabalaka na ang gibati si Gemma tungod kay hangtud sa pagkutlo niini nga balita, wala pa madapati og tambal ang iyang anak nga atua na sa Philippine Embassy apan wala pa gipa-ilalom sa medical examination og wala pa gihapon napa-inom og tambal gawas lang sa pain reliever.
Nasayran pa sa ginang nga suod sa duha ka buwang pagtrabaho sa iyang anak sa mga among Arabo niini, wala pa kini makadawat sa iyang sweldo tungod kay kulatahon man kini sa iyang among babaye og anak niini higayong pangayuon niini ang iyang sweldo.
Naluwas lang siya sa usa ka Arabong nakakita kaniya sa iyang pagsibat kondiin pulos bun-og ang iyang lawas og nagkadugo pa hinungdan nga gidala gilayon kini ngadto sa embahada sa Pilipinas. (Beth Ruiz)
