BUTUAN CITY – Hulatan na lang ni Senador Aquilino ‘Koko’ Pimentel III ang opisyal nga announcement sa Commission on Elections kon COMELEC kalabot sa pagbasura nila sa disqualification case nga gipasaka ni Atty. Ferdinand Topacio batuk sa iyang kandidatura sa Senado karong midterm elections.
Sa eksklusibong pakighinabi sa Bombo Radyo Butuan, gipadayag sa kanhi Senate President nga daan na niyang gila-uman ang maong desisyon apan kinahanglan niya ang official announcement aron dili usab siya mabutang sa alanganin.
Gidugang sa senador nga sakto ang desisyon sa COMELEC nga ipabilin ang iyang pangalan sa balota tungod kay lisod matud pa iprubar nga usa siya ka nuisance candidate.
Gidugang ni Senador Koko nga dili matud pa masulti ni Atty. Topacio nga nakaduha ka termino na siya sa Senado tungod kay base sa ruling sa Supreme Court sa mga nadesisyunan nilang kaso, makonsidera lang nga natiwas ang termino kon nakabaton og term limit ang usa ka senador kung nakasugod siya sa paglingkod niini. (Beth Ruiz)
