BUTUAN CITY – Migawas sa Annual Financial Report sa Commission on Audit kon COA nga ang Office of the President ilalom ni Pangulong Ferdinand Marcos Jr. maoy nag-una nga nakagasto og pinakadako nga confidential ug intelligence funds sa tuig 2023 nga mi-abot sa P4.57B kansa mas kung ikumpara niadtong tuig 2022 nga mi-abot sa P4.51B.
Sa maong kantidad, P2.2B niini alang sa confidential expenses samtang P2.3B usab sa intelligence expenses ug ang kapin P10M usab, gigamit alang sa extraordinary ug miscellaneous expenses.
Ang confidential expenses mao ang gasto alang sa mga surveillance ug confidential activities sa mga civilian government agencies isip suporta sa mandato o operasyon sa ahensiya.
Nagsunod sa Office of the President, ang Department of Justice nga mi-abot usab sa P683.85M nga gilangkuban sa Office of the Secretary, National Bureau of Investigation ug sa Bureau of Immigration.
Ikatulo usab ang Office of the Vice President nga dun’y P375M, ika-upat ang National Intelligence Coordinating Agency kon NICA nga mi-abot sa P127.41M, National Security Council – P90-M; Department of National Defense – P78.92-M ug ang Department of Interior and Local Government -P75-M.
