BUTUAN CITY – Naka full alert na ang buhatan sa Office of Civil Defense kon OCD Caraga kalabot na sa tropical depression Aghon kansa hingpit ng nakasulod kaganinang buntag sa Philippine Area of Responsibility kon PAR, Surigao Del Norte.
Sumala ni OCD CARAGA PIO Ronald Briol, nga una nang nagpahigayon og panagpulong ang ilahang buhatan kagahapong adlawa nga gipangunahan sa National Disaster Risk Reduction and Management Council kon NDRRMC, Office of the Civil Defense kon OCD, ingon man sa Departnebt of Science and Technology kon DOST-PAGASA isip pagpangandam sa posibleng hatod nga kadaot ni bagyong Aghon dinhi sa rehiyon.
Gani naka-alerto na usab ang Caraga Regional Disaster Risk Reduction and Management Council kon CRDRDMC Operation center nga naka 24/7 monitoring na ning rehiyon.
Sa kasamtangan, anaa pa sa white alert status ang tibuok dakbayan sa Butuan diin wala pa silay natalang kadaot nga hatod sa nasangpit nga daot sa panahon.
