BUTUAN CITY – Andam na ang Office of the Civil Defense kon OCD-Caraga alang sa 2nd quarter Nationwide Simultaneous Earthquake Drill kon NSED nga himuon ugma sa alas-dos sa hapon, Hunyo 28.
Sa eksklusibong pakighinabi ning sibyahan, gibutyag ni Ronald Anthony Briol, tigpamaba sa maong buhatan, dinhi sa Caraga Region, ang himuong regional ceremonial site mao ang lungsod sa Loreto, Agusan del Sur.
Isip pagpangandam, kagahapon pa lang, naghimo na sila og mock drilll sa ground sa municipal hall sa maong lungsod gawas pa sa sunod-sunod nga mga training ug ubang mga kalihukan isip preparasyon.
Dinhi matud pa sulayan ang kapasidad sa local government unit higayong duna’y matigayong linog sa ingon mas ma-enhance ang condition response sa matag-usa.
