BUTUAN CITY – Misaka na sa 232 ang death toll tungod sa bagyong Tino, samtang 25 usab ang naiulat nga namatay sa Super Typhoon Uwan, sumala sa Office of Civil Defense (OCD) nga nagpasabot usab nga nagpadayon pa ang ilang search and rescue operations.
Gibutyag ni OCD Deputy Administrator Bernardo Rafaelito Alejandro IV, ang dugang mga biktima resulta sa sunod-sunod nga bagyo kans anagbilin og 112 ka tawo nga missing ug 512 ng angol
Nanghinaut ang opisyal nga dili na madugangan pa ang ihap sa mga nakalas bisan og padayon pa silang nagdawat og mga reports gikan sa mga lugar nga nakasinati pa gihapon sa kabangis sa pagkuso-kuso sa bagyong Uwan.
Nagpadayon karon ang clearing operations sa mga lugar nga na-apektuhan sa landslides, dayong siguro nga wala na’y isolated areas nga dili maabot sa mga otoridad.
