BUTUAN CITY – Pormal nga sugdan ugmang adlawa, Huwebes, Hulyo 3, sa Office of the Civil Defense kon OCD-Caraga, ang pagsa-ulog sa National Disaster Resilience Month alang sa entiro buwan sa Hulyo.
Sa eksklusibong pakighinabi sa Bombo Radyo Butuan, gibutyag ni Carlo Becera, information officer II sa maong ahensya, tema sa ilang kalihukan karong tuiga ang ‘KUMIKILOS kansa abbreviation sa Kayang Umaksyon ng Mamamayan na Isabuhay ang Kahandaan ng bawat-isa para maging Ligtas sa Oras ng Sakuna.’
Buksan ang maong kasa-ulugan sa usa ka misa-pasalamat nga himuon ugma sa alas-7:30 sa buntag sa may St Joseph Cathedral nga sundan sa motorkada padulong sa grandstand sa Police Regional Office kon PRO-13 sa may Camp Rafael Rodriguez sa Brgy. Libertad ning siyudad sa Butuan.
Tambungan kini sa mga tag-as nga opisyal sa mga ahensya sa gobyerno nga ka-abag nila panahon nga duna’y kalamidad.
Ubay-ubay nga mga kalihukan ang ilang himuon sa entiro usa ka buwan nga selebrasyon, apil na niini ang orientation nga ilang himuon sa mga media partners karong Hulyo 17 apil na sa mga information officers sa mga national-line government agencies.
Kini aron mapahibalo sial unsaon pagdumala sa tanan panahon nga duna’y mu-igong katalagman. Sundan kini sa himuong Regional Rescue-lympics karong Hulyo 23 nga salmutan sa mga grupong gikan sa lima ka lalawigan ning rehiyon apil na ang Butuan City.
