BUTUAN CITY – Laing bangi na usab ang namugna ni United States President Donald Trump tali sa Denmark human nagtudlo og special envoy ngadto sa Greenland, usa ka dakong Arctic island nga gusto niyang ma-annex sa ilang nasud.
Gi-anunsyo ni Trump nga si Jeff Landry, ang Republican governor sa Louisiana, mao na unya ang special envoy sa US ngadto sa Greenland, usa ka semi-autonomous part sa Kingdom of Denmark.
Sigon ni Gov Landry sa iyang post sa X, dakong dungog alang kaniya nga magsilbi sa usa ka volunteer position aron himuon ang Greenland nga kabahin sa Estados Unidos – usa ka lakang nga nakapasuko sa Copenhagen, rason nga ipatawag niini ang US ambassador aron muhatag og pagpasabot.
Samtang gipadayag sa primero ministro sa Greenland nga sila ang magdesisyon alang sa ilang kaugmaon ug kinahanglang respetuhon usab ang ilang territorial integrity.
Naysarang sukad mibalik sa White House niadtong Enero, nabalik ni Trump ang dugay na niyang interest sa Greenland, tungod sa estratehikong lokasyon niini ug sa ilang mineral wealth.
