BUTUAN CITY – Target karon sa Israel ang pagtira sa nuclear enrichment facility sa Iran nga nahimutang sa central province sa Isfahan diin gikatahong duna’y milanog nga mga pagbusikad kagahapon atol sa ilang paglusad og missiles attack.
Kini matud pa ang hinungdan nga wala gilayon sila mubalos dihang mihimo og drones ug missiles attack ang Iran ning mi-aging weekend tungod kay gi-calibrate pa sa Israel ang ilang arms positioning, sa ingon matud-an ang lokasyon sa missile defense systems sa Iran kansa na-activate sa ilang paglusad og missiles attack kagahapon.
Sa eksklusibong pakighinabi sa Bombo Radyo Butuan, gipadayag ni Bombo international correspondent Pinoy Gonzales gikan sa Estados Unidos, ang nasud nga ka-alyado sa Israel, nga dili gusto sa Israel nga malampusong maka-enrich og nuclear bomb ang Iran rason nga ilang gihulatan ang tukmang oras sa pagtira og missiles sa nasangpit nga nasud.
