BUTUAN CITY – Giklaro sa National Task Force on the West Philippine Sea nga ang mga barko sa China ang mihimo og mga delikadong pagmani-obra sama sa pagbangga ug pagguyod sa barko sa Pilipinas samtang mihimo og rotation ug resupply mission sa Ayungin Shoal kagahapon hinungdan sa pagka-angol sa usa ka sundalong Pinoy.
Sigon sa task force, responsable niini ang mga barko sa People’s Liberation Army kon PLA Navy ka-uban ang Chinese military militia ug China Coast Guard.
Nasayrang mihimo og medical evacuation ang mga sundalong Pinoy aron mhatagan gilayon og medical care ang biktima.
Hugot nga gikondena sa task force ang gihimo sa China kansa ilegal, agresibo, ug dinanghag nga binuhatan sa mga Chinese personnel nga nagbutang sa delikado sa kinabuhi sa mga sundalo ug miguba usab sa mga barko sa Pilipinas kansa klarong paglapas sa international law.
