BUTUAN CITY – Mi-abot sa usa ka oras ug pito ka minuto ang ika-upat nga State of Nation Address kon SONA ni President Ferdinand Marcos Jr. Insakto alas 3:30 sa hapon dihang mi-abot si Pangulong Marcos sa kamara, sakay sa presidential chopper.
Pag-abot sa alas 3:50 dihang gitawag ug gipa-ila kini sa session hall sa Kamara timaan sa pagsugod sa iyang speech. Duha ka minuto ang minglabay niini nag-call-order to order na ang Kamara ug Senado, timaan nga magsugod na ang joint session sa 20th Congress. Gisundan usab kini sa pagkanta sa Pambansang awit ni the Voice Season 26 Grand Champion Sofronio Vasquez.
Susama kaniadto, lima ka church leaders gihapon ang nanguna sa pag-ampo adiser ang taho sa Pangulo.
Impunto alas 4:05 sa hapon, opisyal nga gisugdan ang pagpamulong sa presidente diin iyang gisaysay ang nabuhat sa iyang administrasyon gikan sa nagkada-iyang sektor sama sa mag-uuma, science and technology, transportation, internet connectivity, sports food security, defense, social services, power sector, ug uban pa. Pasado alas-5:17 sa hapon nahuman ang report
Giyagyag usab niini ang pagbaligya sa baratong bugas nga nagkantidad og ₱20 kada-kilo pinaagi sa KADIWA centers.
Anaa pa ang libreng serbisyo sa Department of Health kon DOH-accredited hospitals pinaagi sa Zero-Balance Billing, ug gisaad ang solusyon sa problema sa tubig nga naka-apekto sa kapin 6 milyon ka katawhan.
Gi-endorso niya ang dugang suporta sa mga magtutudlo ug estudyante pinaagi sa libreng laptops ug pag-hire og school counselors, samtang gi-abante ang mga inisyatiba sa enerhiya ug agrikultura lakip ang pagpalapad sa lifeline rate subsidy ug pagtanom og sien-milyones ka punoan sa lubi aron mapa-usbaw ang coconut industry.
Gibirahan niini ang mga opisyal ug mga empleyado sa gobyerno nga na-andan na ang pagpangurakot, pagpangayo og bahin sa mga proyektong alang sa mga kabus hinungdan nga matag-duna’y kalamidad, ma-igo niini ang yanong mga tawo.
Tungod niini, iyang gimanduan ang Department of Public Works and Highways nga isubmite kaniya ang tanang flood control projects nila sa matag-rehiyon sa nakalabay’ng tulo ka mga tuig.
