BUTUAN CITY – Milingkod na isip Officer-in-Charge sa Surigao del Sur Police Provincial Office (SDSPPO) si Police Colonel Jeffrey Lawrence Mauricio human ang turnover ceremony nga gipahigayon kaganinang buntag, sa EDM Convention Center sa Tandag City pagpanguna ni PBGeneral Christopher Abrahano, regional director sa Police Regional Office 13.
Siya ang mihulip kang Police Colonel Harry B. Domingo, nga karon mao nay mangulo sa Regional Headquarters Support Unit.
Mitambong sa maong kalihokan ang pipila ka miyembro sa Command Group, Regional ug Personal Staff, ug si Governor Johnny Pimentel, nga nagsilbing Guest of Honor ug Speaker.
Gihimo usab sa maong kalihukan ang turnover sa Tour of Duty Book, paghatag og plake sa pasidungog, pagbasa ug pagpirma sa relinquishment order ni PCol Domingo, ug sa assumption order ni PCol Mauricio.
