BUTUAN CITY – Mitahan kagahapong adlawa ang medic member sa New People’s Army human na-agni sa kampanya sa Police Regional Office kon PRO-13 batuk sa insurhensiya ug terorismo.
Naila ang mitahan nga si alyas Jovelyn, 37-anyos, usa ka full-time Communist Terrorist Group medic sa huyang na nga Guerilla Front 14, Sub-Regional Committee Southland sa Northeastern Mindanao Regional Committee.
Mitahan siya ngadto sa mga personahe sa 1303rd Maneuver Company, Regional Mobile Force Battalion 13 nga nakabase sa Brgy. Bunawan, Agusan del Sur.
Bitbit sa iyang pagsurender ang usa ka homemade caliber .357 revolver nga iyang gitugyan ngadto sa mga pulis ug anaa na siya sa kostudiya sa 1303rd Maneuver Company alang sa documentation ug custodial debriefing.
