BUTUAN CITY – Pasakaan og kaso sa kadumalahan sa Butuan City Police Office kon BCPO ang pagpang-harass sa mga rebeldeng New People’s Army kon NPA nga nang-harass sa Butuan City Police Station 5 nga nakabase sa Brgy. San Mateo.
Kini human gi-angkon eksklusibo dinhi sa Bombo Radyo Butuan sa nagpa-ilang tigpamaba sa NPA-WANAS nga si Ka Omar Ibarra nga sila ang responsable sa maong harassment kansa kabahin sa sunod-sunod nilang oeprasyong gihimo sa nagkada-iyang lugar sa Agusan del Norte.
Sigon ni PCaptain Emmerson Alipit – tigpamaba sa BCPO, ang ilang lakang nadesisyunan ang maong lakang tungod sa negatibong epektong nahatud sa maong pag-atake ngadto sa mga residente ilabina sa mga bata nga nakasinati karon og trauma.
Sa eksklusibong pakighinabi ning sibyahan, gibutyag sa opisyal nga wala gilantaw sa walhong grupo ang posibleng pagkapagan sa mga sibilyan tungod sa kadaghan sa mga balay nga anaa duol sa maong police station.
Apil sa kasuhan sa BCPO ang mga lider sa Guerilla Front 4-A ug Guerilla Front 88 nga sila Ryan Sabanal alyas Dante; Joverly Joy Escobilla alyas Luis; Jelan Pinakilid alyas Baking, usa ka alyas Arnold ug alyas Andoy.
