BUTUAN CITY – Gikumpirma sa Armed Forces of the Philippines kon AFP nga gawas sa squad leader sa walhong grupo nga nitahan niadtong Abril 7, laing team leader usab sa New People’s Army Sub-Committee Front 14 ang nisurrender sa kasundalohan bitbit ang M16 rifle ug mga ammunition.
Sa eksklusibong pakighinabi sa Bombo Radyo Butuan gi-ila ni Lt Col. Jaime Datwin, commanding officer sa 75th Infantry Battalion Philippine Army giila ang rebel returnee nga si Ryan “ka Peter” Gonzales, 21-anyos, ulitawo ug lomulopyo sa Brgy. Caimpugan, San Francisco Agusan del Sur.
Tungod matod pa sa kakapoy ug kalisud sa ilang kahimtang sa bukid hinungdan nga nadesisyon kining mobalik sa sabakan sa gobyerno.
Panawagan lamang sa opisyal sa mga nahabiling meymbro sa komunistang grupo nga motahan na sa gobyerno ug magbag-o ug kinabuhi pinaagi sa tabang sa livelihood support sa panggamhanan.. (Rolan Janea)
