BUTUAN CITY – Gitoohang mga miyembro sa rebelding New People’a Army kon NPA ang responsable sa brutal nga pagpatay sa usa ka olitawo pasado alas 6:30 sa gabii niadtong Abril 11. 2022 sa P-5, Sitio Dugyaman, Brgy. Anticala, Butuan City.
Base sa nakuhang impormasyon gikan sa Butuan City Police Station-4, alas 6:00 sa buntag na kagahapong adlawa napa-abot ngadto sa kapulisan ang nahitabo og dinhe naila ang biktima nga si Jimboy Pasilong Mabasle, 28-anyos, olitawo, walay trabaho og residente sa maong dapit.
Sa inisyal nga imbestigsyon, dunay tulo ka mga kauban ang biktima samtang anaa kini sa payag sa dihang miabot ang gibana-banang 20 ka mga rebelde nga armado sa tag-as nga kalibre sa armas.
Gimanduan ang mga niini nga mokanaog sa payag og dayung gapos sa kamot nga gipanghimaklid.
Gilahi matud pa ang biktima sa iyang tulo ka mga kaubanan og dinhe walay kokalooy nga gipusil-pusil sa mga suspetsado.
Kadagahanan sa mga bala miigo sa dughan sa biktima rason usab sa hinanali niining kamatayon.
Padayon pa ang imbestigasyon aron masuta ang motibo sa maong ngil-ngig nga kremin.
