BUTUAN CITY – Natud-an sa kasundaluhan sa 23rd Infantry ‘Masigasig’ Battalion, Philippine Army ang mga high-powered firearms cache human kini gitug-an sa usa ka bomb maker nga rebeldeng New People’s Army kon NPA dihang mitahan kini ug balik sa gobyerno.
Naila ang mitahan nga si alyas Marco – kanhi membro sa Sandatahang Yunit Propaganda kon SYP-21C, Guerilla Front (GF) 21, sa North Eastern Mindanao Regional Committee (NEMRC), ubos sa liderato ni Ka Macoy.
Apil sa narekober ang tulo ka magamit pang M14 rifles, 35- metros nga electrical wire, duh aka blasting caps nga duna’y detonating cord, usa ka paresan sa handguard alang sa M16, usa ka paresan sa AR 18 handguard ug usa ka improvised anti-personal mine kansa gitanom pa sulod sa usa ka CPP-NPA hideout.
Gika-ingong gigamit si Ka Marco sa CPP-NPA isip courier dihang nag-edad pa siya og 14-anyos ug nahimong fulltime NPA combatant sa edad nga 16-anyos kondiin dinhi na siya gitudluan unsaon pagtanom og pag-dispose sa mga landmines.
