BUTUAN CI TY – Hingpit nang naduso ang reklamong attempted rape og robbery ngadto sa piskaliya batuk sa bangg-itang kawatan og underwear sa Bayugan City sa lalawigan sa Agusan del Sur.
Sa pakighinabi ning sibyahan, gibutyag ni PO2 Melvin Dandasan nga ning adlawa usab, ilang gipasaka ang kasong paglapas sa Dangerous Drugs Act of 2002.
Sigon ni SPO2 Melvin Dandasan, ilang gihimo ang maong lakang base sa reklamo sa usa ka dalaga nga gisulayan matud pa siya paglugos sa suspek kinsa nakasulod sa iyang gipuy-an pinaagi sa pagguba sa pultahan niini.
Sa ilang gihimong follow=up operation, ilang nasikop ang suspek didto sa Brgy. Noli sa susamang siyudad kondiin nakuhaan pa nila kini og duha ka sachets sa gidudahang shabu.
Aminado ang opisyal nga gawas sa maong reklamo, ubay-ubay usab nga mga babaye ang mi-abot sa ilang buhatan og nagtudlo sa suspek nga maoy nagkawat sa ilang underwear.
Gani, nakumpirmar sa opisyal nga mahilig musuot og underwear nga pangbabaye ang suspek.
