BUTUAN CITY – Gipa-ambit ni Lotlot de Leon ang mga detalye sa haya ug lubong sa iyang inahang superstar ug National Artist nga si Nora Aunor.
Magsugod ang public viewing ugmang adlawa Abril 19 hangtud 20 sa The Chapels sa Heritage Par ug duna usa’y gitaganang adlaw sa pagbisita alang sa pamilya ug mga higala ni Ate Guy.
Tungod kay gi-ila si Nora nga Pambansang Alagad ng Sining, himuon ang iyang lubong sa Abril 22 sa Libingan ng mga Bayani kondiin gila-uman ang mga state necrological services isip pagpasidungog kang Aunor, base na sa pagkumpirma sa National Commission for Culture and the Arts.
Si Nora Aunor, gipanganak isip Nora Cabaltera Villamayor sa Iriga City, Camarines Sur, ug nagsugod sa kalibutan sa entertainment niadtong dekada ‘1960’60 isip singer tungod sa iyang “golden voice.”
Mi-klik usab ang ubay-ubay niya nga mga pelikula sama sa “Himala” niadtong 1982, “Bulaklak sa City Jail” niadtong 1984, ug “The Flor Contemplacion Story” niadtong 1995.
Gipasidunggan siya tungod sa iyang kamaayong mu-arte, apil ang Best Actress sa Gawad Urian ug FAMAS tungod sa iyang salidang “Tatlong Taong Walang Diyos.”
Usa sa nahimong isyu kang Nora mao ang pag-usab niya og relihiyon gikan sa pagka-Katoliko ngadto na sa Members of the Church of God International kansa mas nailang Ang Dating Daan.
