BUTUAN CITY – Naparot si Pinoy boxing legend Nonito ‘The Filipino Flash’ Donaire Jr ni Japanese boxer Riku Masuda sa ilang bantamweight title eliminator nga gipahigayon sa Yokohama, Japan.
Ang kampo sa 43-anyos nga si Donaire, misurender sa ikawalong round.
Nasayrang sa pagsugod pa lang sa away, gipa-ulanan na siya sa nagpungasing kinomo sa mas batan-ong Japanese boxer.
Nakabawi gamay si Donaire sa ikalima nga round diin iyang na-igo si Masuda sa left hook nga gisundan sa right hook apan pag-abot sa ika-unom nga round, nakabawi ang Japanese boxer ug napatumba pa niya ang Pinoy boxer.
Kini na ang ikaduhang sunod nga kapildihan ni Donaire nga karon adunay rekord nga 43 nga daug, 10 ka pildi uban sa 28 ka knockouts, samtang si Masuda adunay 10 ka daug ug usa ka kapildihan.
Madumdumang niadtong Disyembre, napildi usab si Donaire ni Seiya Tsutsumi sa Japan pinaagi sa split decision
