BUTUAN CITY – Justifiable ang kamanduang gipagawas ni Pangulong Rodrigo Duterte ngadto sa mga barangay kapitan alang sa pagpangita sa ilang mga residenteng dili bakunado og bantayan nga dili makagawas sa ilang panimalay.
Subay na kini sa ipatumang ‘No Vaccine, No Out’ policy.
Sigon ni Atty. James Reserva sa eksklusibong pakighinabi sa Bombo Radyo Butuan, gipadayag niining legally speaking, duna’y basehan ang pangulo sa pagpagawas sa maong kamanduan ilabina nga nag-atubang karon ang nasud sa emergency situation.
Sa ingon niini matud pa nga panahon, duna’y reserved o residual power ang gobyerno ilabina ang pangulo aron magdesisyon bisan og duna kini’y konplikto sa kagawasan sa pagpuyo, kagawasan sa pagbiyahe ug uban pa.
Bisan og duna matud pa’y legal questions nga mutumaw sa desisyon sa pangulo, apan sa iyang lantaw, sakto ang gihimo sa pangulo ilabina nga dihang gihimo ang balaud nga mukontra sa lakang sa pangulo, gi-enact adiser pa mitumaw ang gikahadlukang coronavirus.
Wala matud pa’y makalalis sa katungod sa usa ka tawo nga dili magpabakuna apan duna usa’y katungod ang gobyerno nga limitahan ang paglihok sa tawo ilabina kung kini makahatag og kakuyaw sa kinabag-an.
Gidugang pa ni Atty, Reserva, wala gipug-ngan sa kamanduan sa pangulo ang Bill of Rights kansa subject usab kanunay sa mga limitasyon.
