Mga nakasibat nga piniriso sa Mexico, padayong gipangita

BUTUAN CITY – Padayon nga gipangita sa kapulisan sa Mexico ang mga piniriso nga naka-ikyas gikan sa prisohan sa Puerto Vallarta human gi-atake sa Jalisco New Generation Cartel (CJNG) ang jail facility.

Usa lamang kini sa mga insidente nga resulta sa kagubot nga misunod human napatay sa mga otoridad ang lider sa cartel nga si Nemesio Oseguera Cervantes, nga mas naila sa bansag nga “El Mencho.”

Sa maong insidente, kapin sa 70 ka tawo ang namatay, lakip ang 25 ka miyembro sa National Guard ug aron mapahupay ang kagubot, nag-deploy ang gobyerno sa Mexico og kapin sa 10,000 ka mga sundalo, ug adunay pipila ka miyembro sa cartel nga nadakpan na usab.