BUTUAN CITY – Mi-abot na sa halos usa ka milyon ka mga indibidwal ang gipanghikling sa mas luwas nga lugar sa Luzon ug Visayas tungod sa kakusog sa hangin ug uwan nga dala sa bagyong Uwan.
Sigon ni National Disaster Risk Reduction and Management Council kon NDRRMC spokesperson Junie Castillo, nakatutok sa monitoring ang nasudnong kagamhanan dungan sa pagsiguro nga magpadala gilayon og ayuda ngadto sa mga ma-apektuhang lugar.
Tungod sa nagpadayong pagbundak sa kusog nga ulan ug huros sa hangin, tambag sa opisyal nga magpabilin sa luwas nga lugar ug maminaw sa mga abiso sa mga otoridad samtang ania pa sulod sa Philippine Area of Responsibility ang bagyong Uwan.
Samtang wala pa mapadala ang search and rescue teams gikan sa Armed Forces of the Philippines kon AFP, Philippine National police kon PNP ug Bureau of Fire Protection kon BFP padulong sa mga lugar nga puntirya sa bagyong Uwan apil na sa Ilocos Region tungod sa grabe kakusog nga hangin ug ulan hatud sa pagkuso-kuso na sa bagyong Uwan.
Sigon sa Office of the Civil Defense, nagpatuman na og pre-emptive action ang mga local government units samtang ang Department of Information and Communications Technology kon DICT, nagpa-ambit sa ilang communications assets dungan sa pagklaro nga pabilin pang bukas ang linya sa komunikasyon sa maong rehiyon.
Samtang nanawagan na si Office of the Civil Defense kon OCD-Region 1 Director Lawrence Mina, kinahanglang paspasan ang pagpadala og mga rescue teams sa ilang rehiyon ilabina nga nakasinati na og mga pagbaha ang mga lalawigan sa La Union ug Pangasinan.
