BUTUAN CITY – Kada-gabi nang gidagsa sa mga tawo ang ikaduhang gabii human gilusad sa lokal nga kagamhanan sa Carmen, Agusan del Norte niadtong Martes – Disyembre uno ang Light Up Carmen kondiin napuno sa Christmas lights ang ilang sa municipal hall ug palibot niini.
Kini tinuig nga ginahimo sa maong lungsod og ning tuiga taliwa sa COVID-19 pandemic, gipadayon kini sa local government apan ubso gihapon sa hugot nga pag-obser mga safety ug health protocols.
Sa eksklusibong pakighinabi sa Bombo Radyo Butuan, gipadayag ni Mayor Jovette Calo nga palabyon unta nila kini nga kalihukan karong tuiga apan nahuna-hunaan nilang karon usab ang tukmang panahon nga kinahanglang ipakita sa katawhan ilabina sa mga mudayo ang diwa sa pasko luyo pa man nasinatiang pandemya.
Wala matud pa sila masayop sa ilang gihimo tungod kay naghatag kini og kadasig sa mga tawo nga mulantaw sa positibong aspeto sa kinabuhi.
Gihatagan usab og gibug-aton sa inahan sa lungsod nga bisan dili kaayo bongga ang ilang dayan-dayan kung itandi sa mga nakalabay nga tuig apan bilihon sa katawhan ang paglantaw sa ilang mga suga nga naghatag og kalamdag ug paglaum sa katawhan ug bilihon gihapon nga kanunay lantawon ug pasalamatan ang mga gasa nga na-angkon gikan sa labaw nga makakagahom bisan paman sa kalisod nga nasinatian ning nakalabay nga mga bulan.
Gipadayag usab sa mayor nga muabot sa 375,000 ka mga lightning bulbs ang gipasiga nila karong tuiga.
Gipaniguro usab ni PCapt. Jennifer Omiter, ang hepe sa Carmen Municipal Police Station nga hugot nilang gipatuman ang mga gikantar nga health protocols labi na alang sa mga tao nga mosulod aron mutan-aw ug magpa-picture sa ilang mga dayan-dayan sa municipal hall.
Sa pakighinabi sa Bombo Radyo Butuan kang PCapt Ometer gipasalig niining napatuman ang mga minimum health standards aron malikayan ang pagtakboy sa COVID-19.
Gani sa entrance pa lamang kinahanglang mag-log-book na ang mga gustong musulod sa bisinidad nga molantaw sa maong dayan-dayan alang sa contact tracing.
Gipadayag usab niini gawas sa mga kaubanan niining nagbantay sa gawas nga bahin, aduna usab silay gipakatag nga mga pulis sa sulod aron magbantay sa laing binuang nga pwedeng himuon sa pipila ka mga indibidwal.
Gipadayag usab niining nagpatuman sila og “No Face Mask, No Face Shield, No Entry Scheme” ug magpahamtang usab sila og multa sa mga inibidwal nga masapong nagtang-tang sa ilang face mask.
