BUTUAN CITY – Nagpatuman na og mga lakang ang National Grid Corporation of the Philippines kon NGCP alang sa posibleng epekto sa bagyong Tino sa ilang mga transmission lines. Sumala ni Kristoffer Abellanosa, tigpamaba sa NGCP-Mindanao, dili lamang sa Caraga region ang ilang gihimong pagpangandam apan lakip na sa ilang mga kauban sa Visayas kondiin gipang-preposition na ang mga communication equipment, hardware materials, ug uban pang supply nga gikinahanglan sa pag-ayo sa mga linya sa kuryente nga posibleng matumba.
Apil sa ilang gipang-preposition sa mga estratehikong lugar ang ilang mga line crews aron mapadali ang restoration work ugaling dako ang kadaot nga dala sa maong bagyo.
Gi-activate na usab ang ilang Integrated Disaster Action Plan nga naglatid sa mga pamaagi aron masiguro ang ka-andam sa tanang power transmission facilities batok sa posibleng epekto sa maong weather disturbance.
Dugang pa sa opisyal, ang ilang mga transmission towers nakadesinyo aron makasukol sa kusog sa hangin nga dala sa mga weather disturbances.
Apan sa pagkakaron, dili pa matino kung unsa kini ka kasaligan ilabina dayong butyag nga nabalaka gihapon sila sa kahimtang sa ilang mga line personnel ug sa katawhang posibleng maapektohan sa maong bagyo.
