BUTUAN CITY – Gianunsyo ni Palace Press Officer, USEc Atty. Claire Castro nga gitugotan na sa Department of Agriculture ug sa Food Terminal Incorporated kon FTI nga pwede rang utangon una sa mga local government units kon LGUs ang bugas sa National Food Authority (NFA).
Sumala ni Castro, hatagan ang mga LGUs og usa ka buwan o 30 araw sa pagkakuha sa bugas, ug adiser lamang kini bayaran kung nahalin na.
Dako matud pa kining tabang alang sa mga LGU’s nga walay kwarta-pampalit sa nasangpit nga NFA rice.
Subay niini, nagtoo usab si Agriculture Secretary Francisco Tiu Laurel nga usa usab ang maong lakang sa mga pamaagi arun dali ra’ng mapagawas ang nasangpit nga mga bugas.
Apan pagklaro ni Usec.Castro nga wala pay sugyot ang DA kung kung unsa ka daghang bugas ang mamahimong utangon sa usa ka LGU ug kung unsa ang mahitabong sestima kung mo kuha kini, apan dili mahuurot og kahalin sulod sa usa ka bulan.
Una nang gipadayag ni NFA administrator Larry Lacson nga bisan kon anaa na sa 70 ka mga LGU’s ang nagpadayag sa ilang interes nga mokuha sa NFA rice, hinay gihapon ang pagpagawas sa suplay niini tungod sa hinay nga proseso sa LGUs, samtang ang uban, walay igong pondo alang sa maong bugas.
