NFA Council, aprubado na ang pagbaligya sa mga daan nga bugas sa P29/kilo

BUTUAN CITY – Aprobado na sa National Food Authority (NFA) Council ang sugyot nga ibaligya ang daan nga mga bugas sa nasod sa tag P29/kilo.

Gipasalig sa maong ahensya nga maayo pa gihapon ang kalidad sa maong mga bugas bisan kon karaan na kini.

Sigon ni Agriculture Secretary ug NFA Council Chairperson Francisco Tiu Laurel, Jr., ang maong mga bugas ibaligya sa mga vulnerable sector pinaagi sa Kadiwa Network.

Sumala sa maong opisyal nga mahimong makapahimulos niini ang mga person with disabilities, single parent, senior citizens, ug mga kabus nga pamilya.

Dugang niini nga matag benepisyaryo makapalit og hangtod sa napulo ka kilo sa maong mga bugas matag bulan.