BUTUAN CITY – Kung sa Pilipinas ang firecracker related injuries ang gikaalarma sa otoridad, pinasahi ang pagsaulog sa mga taga-Johannesburg, South Africa sa pagsugat sa Bag-ong Tuig. Sa Pilinas ang pagpabuto og pagsinde sa mga sugang dagitab ang gihimo sa pagsugat sa bag-ong tuig, pero sa usa ka kalsada sa Johannesburg ang paglabay og pag itsa sa mga gamit sa ilang panimalay.
Nahimong tradisyon na sa Hillbrow Street sa Johannesburg ang paglabay sa ilang mga karaang gamit paggawas sa ilang panimalay. Hinuon wala naklaro kung kanus-a nagsugod ang maong tradisyon. May mga nag ingon nga ang naandang pag-itsa sa mga gamit sa mga residente nag simolo sa ilang kagustohanb nga dunay kabag-ohan sa pagsulod sa bag-ong tuig. Nasayran nga daghan ang mga naangol og namatay tungod sa maong tradisyon.
Kini tungod tanan klase sa gamit sa panimalay gipanglabay sa kalsada sa Hillbrow sa disperas sa Bag-ong Tuig. Gikan sa mga gagmay nga gamit sa panimalay sama sa kaldero og microwave hangtod sa mga dagko og bugat nga gamit sama sa refrigerator og katre iitsa sa mga residente sa gawas sa ilang balay hinungdan nga daghan ang naaksidente.
Busa ning nakalabay’ng tuig hugot nga gidili ang maong tradisyon. Duna nay gipa patrolya nga pulis sakay sa armored van aron masegurong wala nay muitsa sa mga gamit nga makaangol sa ubang tao.
