BUTUAN CITY – Gibaharan ni Senador Raffy Tulfo si Department of Labor and Employment kon DOLE Sec Bienvenido Laguesma nga babagan niya ang ilang 2026 budget nga balor ₱55.2-B kung mapakyas sila pagtumbok sa saktong suhulan sa mga trabahante ug pagtaktak sa mga nagpasagad ug mga hiwi nilang labor inspectors.
Sa pagdungog sa Senate Committee on Labor, gipadayag sa senador nga daghang mga pabrika sa CAMANAVA kon Caloocan, Malabon, Navotas, ug Valenzuela ingon man sa Metro Manila kansa personal niyang gi-inspeksyon ug nasutang naghatagan gihapon og suhulan nga mas ubos kaysa gitakdang minimum wage kondiin duna pa’y nagsweldo og ₱280.00.
Sigon sa senador, kulang sa implementasyon sa ilang mga palisiya ang ahensya tungod sa kadaghan pa sa mga kompanyang wala masusi o mabisita sa mga labor inspectors.
Kasagaran usab matud pa, mudiretso ra ang mga inspectors sa opisina sa Human Resource ug dili makig-istorya sa mga trabahante rason nga wala nila makuha ang dapat unta yangungo sa mga trabahante.
Alayon niini, gipangayuan ni Senador Tulfo si Laguesma og listahan sa ilang mga field inspectors sa CAMANAVA ug Metro Manila apil ang mga kompanyang ilang gibisita ug ilang gihimong inspection reports aron masuta kung ilang nahimo og insakto ang ilang mga trabaho.
